今晚西甲壓軸尾場，「黃色潛艇」維拉利爾主場硬撼榜首巴塞隆拿。維拉利爾狀態大跌Watt，相反巴塞連贏7場，信心爆棚，加上近年碰頭食住對手，客勝有計。（Now 632及611周一凌晨4時直播）
維拉利爾上仗倒灶損士氣
維拉利爾早前表現不俗，連復賽前在內，一度締造6場不敗，包括喺聯賽以2比1擊敗皇馬，不過自上月中喺西盃再遇皇馬，領先2粒下竟然反輸2比3出局，嚴重打擊士氣，連埋西盃對皇馬，佢哋各項正式賽事近4仗3度落敗，上仗聯賽更大熱倒灶 ，以1比3輸畀包尾大幡艾爾切，演出差強人意。
相反巴塞表現平穩，自從10月尾歐聯慘吞拜仁3蛋後，各項正式賽事保持15仗不敗，唔單止喺早前勇奪西超盃，亦係沙維接手後首項錦標，近11仗聯賽豪取10勝1和，已經甩開次席皇馬8分，單計近5仗作客聯賽亦全部贏晒。雖然奧士文尼迪比利仍要養傷，好彩拉芬夏比洛尼近2仗均有入球，逐漸融入，配合射手羅拔利雲度夫斯基、柏迪及加維，攻力有保證。加上雙方近7次交手，巴塞取得6勝1負，擺明格食格，今仗有力反客為主，客勝捧得過。
維拉利爾上仗倒灶損士氣
維拉利爾早前表現不俗，連復賽前在內，一度締造6場不敗，包括喺聯賽以2比1擊敗皇馬，不過自上月中喺西盃再遇皇馬，領先2粒下竟然反輸2比3出局，嚴重打擊士氣，連埋西盃對皇馬，佢哋各項正式賽事近4仗3度落敗，上仗聯賽更大熱倒灶 ，以1比3輸畀包尾大幡艾爾切，演出差強人意。
相反巴塞表現平穩，自從10月尾歐聯慘吞拜仁3蛋後，各項正式賽事保持15仗不敗，唔單止喺早前勇奪西超盃，亦係沙維接手後首項錦標，近11仗聯賽豪取10勝1和，已經甩開次席皇馬8分，單計近5仗作客聯賽亦全部贏晒。雖然奧士文尼迪比利仍要養傷，好彩拉芬夏比洛尼近2仗均有入球，逐漸融入，配合射手羅拔利雲度夫斯基、柏迪及加維，攻力有保證。加上雙方近7次交手，巴塞取得6勝1負，擺明格食格，今仗有力反客為主，客勝捧得過。
球队历史视频及赛前分析：
