英超就快開鑼，今季嘅升班馬除咗大家近年都睇慣睇熟嘅般尼同錫菲聯之外，仲有一隊10年前仲喺英乙嘅盧頓。盧頓係一支小球會，主場更因為唔符合英超規格而要重建，亦因為未完工，令佢哋第一場嘅主場比賽要延期。
風格上，盧頓係一支防守型球隊，入波一向唔算多，上季排英冠第3，但就只入得57球，其中擅長頭槌的射手卡爾頓摩利斯一個人已經入咗20球。今季佢哋都嘗試增兵，以破球會紀錄由狼隊簽入左閘賴恩基里斯，佢上季被外借去英冠米杜士堡都交出咗11個助攻，似乎可為摩利斯提供唔少支援。到底盧頓今季首戰英超會表現成點？大家拭目以待喇！ 佩芝
球队历史视频及赛前分析：
