亞洲盃F組，沙特阿拉伯迎戰阿曼，爭標熱門之一嘅沙特阿拉伯雖然整體實力喺對手之上，但球隊自從由意大利名帥文仙尼接手執教之後，表現只屬一般，就算今仗贏波，預料都只會小勝，參考沙特阿拉伯近3場亞洲盃，總入球全開2球或以下，寧願選擇中位數2.5球嘅入球細。（HOY TV 77台周三凌晨1時30分直播）
沙特阿拉伯曾於2022年世盃有不俗演出，但之後無以為繼，導致領隊連納特被炒，上年9月開始改由文仙尼領軍，佢上任初期，因為頻頻喺熱身賽失利，招來唔少批評。文帥惟有作出改變，採取傳統意式穩陣戰術，果然成功止血，近5場比賽取得4勝1和，兼保持不失球，但往往只係小勝，其中近4場總入球全開2球或以下。以文仙尼近期作風，沙特阿拉伯首場分組賽出擊，預料亦唔會太冒進。
兩隊碰頭少入波
至於阿曼世界排名74位，僅低過沙特阿拉伯18位，曾經喺上屆亞洲盃打入16強，實力唔會太輸蝕。事實上，雙方曾於2023年1月海灣盃交鋒，阿曼喺比賽末段攻入致勝1球，以2比1擊敗沙特阿拉伯，今仗屬於勢均力敵之戰。翻查兩隊近7次對賽，有5次總入球開出2球或以下，相信今場入球數字仍然會偏少。
沙特阿拉伯曾於2022年世盃有不俗演出，但之後無以為繼，導致領隊連納特被炒，上年9月開始改由文仙尼領軍，佢上任初期，因為頻頻喺熱身賽失利，招來唔少批評。文帥惟有作出改變，採取傳統意式穩陣戰術，果然成功止血，近5場比賽取得4勝1和，兼保持不失球，但往往只係小勝，其中近4場總入球全開2球或以下。以文仙尼近期作風，沙特阿拉伯首場分組賽出擊，預料亦唔會太冒進。
兩隊碰頭少入波
至於阿曼世界排名74位，僅低過沙特阿拉伯18位，曾經喺上屆亞洲盃打入16強，實力唔會太輸蝕。事實上，雙方曾於2023年1月海灣盃交鋒，阿曼喺比賽末段攻入致勝1球，以2比1擊敗沙特阿拉伯，今仗屬於勢均力敵之戰。翻查兩隊近7次對賽，有5次總入球開出2球或以下，相信今場入球數字仍然會偏少。
球队历史视频及赛前分析：
