歐協聯決賽高下難分

歐協聯轉眼已來到第三屆，意甲球隊在這項賽事似乎零舍醒神，首屆賽事由摩連奴率領的羅馬勇奪錦標，上屆雖由韋斯咸最終登頂，但決賽對手仍是意甲球隊，正是今屆再躋身決賽的費倫天拿。

紫百合去年功虧一簣，今年捲土重來，晉級過程相當艱辛。分組賽雖以不敗首名出線，但十六強已遇上考驗，僅一球險勝以色列球隊海法馬卡比；八強面對柏辛域陀尼亞，更要激戰百二分鐘，四強亦僅以一球淘汰布魯日。一路走來跌跌撞撞，不過聯賽已鎖定歐協聯資格，今場決賽關係紫百合來季能否再進一步踢歐霸盃，戰意及信心毋庸置疑。

今屆決賽將在雅典舉行，適逢希臘勁旅奧林比亞高斯順利闖入最後舞台。雖然球場屬AEK雅典所有，不過以半個主場出擊仍相對有利。況且由歐霸盃降格征戰實力更勝一籌。附加賽零封費倫斯華路士，十六強首回合三球落後特拉維夫馬卡比下，次回合加時反勝。八強射碼擊落費倫巴治，四強更大炒另一熱門阿士東維拉。鋒將艾卡比以十球領跑神射手榜，在淘汰賽階段才入局已有如此成績，威力相當驚人，以其領銜的鋒線，相信可為這場決賽帶來充足娛樂性。