澳職:麥克阿瑟穩陣波墨城慢熱 吼半和_市民日報

周五澳職,墨爾本城主場對FC麥克阿瑟。墨爾本城近3場2勝1和,表現好轉,有力繼續搶分,反觀FC麥克阿瑟近4場1和3負,當前最重要係止住跌勢,會求穩為先,預計今場會係墨爾本城採取主導,但要留意墨城表現慢熱,近5場4次開半場和,值得再追。

(無綫myTV Super周五下午4時35分直播)

澳職常規賽進入最後階段,榜首奧克蘭FC拋離群雄,第2至第7位都喺3分之內,可謂寸土必爭,排第5嘅墨爾本城爭入季後賽不容鬆懈,對於排第8嘅FC麥克阿瑟嚟講,呢段時間更加要急起直追,兩隊都唔想冇分落袋,預計今場會踢得較為謹慎。

墨爾本城早前經歷3連敗,近期表現回穩,先後擊敗珀斯光輝同威靈頓鳳凰,兩場都係小勝1比0,而佢哋着重控傳嘅踢法,經常謀定後動,近5場就有3次半場踢成0比0。

客軍唔介意半場鬥磨
FC麥克阿瑟狀態低迷,主要係後防多甩漏,遇上慢熱嘅墨爾本城,絕對唔介意上半場同對方鬥磨,而且佢哋近5場同樣4次開半場和,兩隊碰頭開半場和係好合理。

 


球队历史视频及赛前分析:

更多>>


广东聘多多=>广东找工作,广东招聘网,广东人才网,gdpdd.com