今晚西超盃4強上演「國家打吡」，巴塞隆拿喺沙特阿拉伯中立場遇上老對手皇家馬德里。沙維回巢執教巴塞後，現時仍然處於重建階段，近期成績亦只屬一般；皇馬喺安察洛堤帶領下重拾霸氣，對住巴塞更加唔會手軟，加上近4次交手皇馬全勝，客勝信得過。（周四凌晨3時開賽）
巴塞隆拿今季因財政出現問題，焗住將球王美斯放走，搞到成績跌Watt，季初主場曾以1比2不敵皇馬，當時仲係由朗奴高文執教，輸完畀皇馬後，跟手又不敵華歷簡奴，會方忍痛怒炒朗奴高文，邀請名宿沙維回巢救亡。沙維接手後畀好多機會新人，活力有餘但就略嫌經驗不足，趁住冬窗重開着手換血，包括簽入費倫托利斯，邀得老將丹尼爾回巢，借出菲臘比古天奴，可惜上場聯賽面對中游球隊CF格蘭納達，巴塞領先下只能同對手賽和1比1，再有艾利加西亞勇戰受傷，防守力進一步削弱，面對氣勢如虹嘅皇馬，難免處於下風。
「銀河艦隊」火力充沛
皇馬暫時位居聯賽榜首，近期雖受疫情影響，個別主力上陣成疑，但莫迪歷及洛迪高高斯均已復出，連夏薩特亦可候命。雙箭頭賓施馬及雲尼斯奧斯祖利亞狀態大勇，入球齊齊達雙位數，上場兩人又合作協助「銀河艦隊」以4比1大炒華倫西亞，火力充沛，面對巴塞防線照樣搵到食，客勝屬信心之選。
巴塞隆拿今季因財政出現問題，焗住將球王美斯放走，搞到成績跌Watt，季初主場曾以1比2不敵皇馬，當時仲係由朗奴高文執教，輸完畀皇馬後，跟手又不敵華歷簡奴，會方忍痛怒炒朗奴高文，邀請名宿沙維回巢救亡。沙維接手後畀好多機會新人，活力有餘但就略嫌經驗不足，趁住冬窗重開着手換血，包括簽入費倫托利斯，邀得老將丹尼爾回巢，借出菲臘比古天奴，可惜上場聯賽面對中游球隊CF格蘭納達，巴塞領先下只能同對手賽和1比1，再有艾利加西亞勇戰受傷，防守力進一步削弱，面對氣勢如虹嘅皇馬，難免處於下風。
「銀河艦隊」火力充沛
皇馬暫時位居聯賽榜首，近期雖受疫情影響，個別主力上陣成疑，但莫迪歷及洛迪高高斯均已復出，連夏薩特亦可候命。雙箭頭賓施馬及雲尼斯奧斯祖利亞狀態大勇，入球齊齊達雙位數，上場兩人又合作協助「銀河艦隊」以4比1大炒華倫西亞，火力充沛，面對巴塞防線照樣搵到食，客勝屬信心之選。
球队历史视频及赛前分析：
