今日下晝日職免費直播波，由東京綠茵主場硬撼川崎前鋒。綠茵近況低迷，就算有主場之利亦唔敢冒進，不過前鋒賽程頻密攰到爆，未回氣下初段隨時拖慢節奏，加上作客經常開半場和，不妨再追。（無綫82台周日下午5時直播）文:法達斯維
綠茵狀態相當唔掂，佢哋各項賽事近5場只得1勝4負，而且防線崩潰狂失11粒，唯一勝仗都只係僅於日皇盃淘汰弱旅櫪木ＳＣ，單計聯賽近6場亦輸咗4場，計一計數佢哋上次聯賽贏波，已經要數到5月尾擊敗京都不死鳥。綠茵呢支聯賽下游球隊，向來習慣前場逼搶打法，可惜球員質素所限，做出嚟嘅效率唔高，搞到入唔到波之餘，仲頻頻畀對手打反擊，今場為咗止血，佢哋不得不縮後防守，鞏固防線。
「還債」密密踢球員要回氣
相反，川崎前鋒狀態確係唔錯，近5場獲得4勝1負，輸波嗰場只係不敵勁旅神戶勝利船，可謂雖敗不辱。不過大家要留意，就係川崎前鋒因為之前要兼顧亞冠精英盃，依家要「還債」幾乎個個周中都有波打，賽程咁頻密，球員肯定攰到爆，戰術上亦要識得留放，因此佢哋亦採取留前鬥後嘅策略，比賽初段刻意拖慢節奏，等球員回吓氣，去到下半場待對手體力下降先嚟料，單計聯賽作客近10場9次半場打和，其中6次半場波膽「窿窿」，今場好大機會照辦煮碗，一於再捧半場和。
綠茵狀態相當唔掂，佢哋各項賽事近5場只得1勝4負，而且防線崩潰狂失11粒，唯一勝仗都只係僅於日皇盃淘汰弱旅櫪木ＳＣ，單計聯賽近6場亦輸咗4場，計一計數佢哋上次聯賽贏波，已經要數到5月尾擊敗京都不死鳥。綠茵呢支聯賽下游球隊，向來習慣前場逼搶打法，可惜球員質素所限，做出嚟嘅效率唔高，搞到入唔到波之餘，仲頻頻畀對手打反擊，今場為咗止血，佢哋不得不縮後防守，鞏固防線。
「還債」密密踢球員要回氣
相反，川崎前鋒狀態確係唔錯，近5場獲得4勝1負，輸波嗰場只係不敵勁旅神戶勝利船，可謂雖敗不辱。不過大家要留意，就係川崎前鋒因為之前要兼顧亞冠精英盃，依家要「還債」幾乎個個周中都有波打，賽程咁頻密，球員肯定攰到爆，戰術上亦要識得留放，因此佢哋亦採取留前鬥後嘅策略，比賽初段刻意拖慢節奏，等球員回吓氣，去到下半場待對手體力下降先嚟料，單計聯賽作客近10場9次半場打和，其中6次半場波膽「窿窿」，今場好大機會照辦煮碗，一於再捧半場和。
球队历史视频及赛前分析：
