年初七「人日」最緊要和和氣氣，今晚西甲有場獨腳戲，由畢爾包主場對愛斯賓奴。雖然畢爾包啱啱喺西盃淘汰皇家馬德里，但面對同級球隊反而冇乜計；愛斯賓奴首席射手魯爾杜馬斯坐波監，造訪「巴斯克雄獅」亦唔敢冒進，雙方近年碰頭經常不分勝負，不妨直取和波。（Now 632周二凌晨4時直播）
畢爾包向來遇強愈強，今屆西盃16強先擊退衞冕嘅巴塞，報番上屆決賽一箭之仇，喺上周中8強對住另一班霸皇馬，完場前憑後備上陣嘅阿歷斯比倫古亞一箭定江山，將呢支聯賽1哥淘汰，但相對地耗力不小。畢爾包鬥強隊特醒，同佢哋防守硬淨、反擊銳利有關，不過當遇上專注防守嘅同級對手，就未能將最擅長嘅穩守突擊盡情發揮，好似早前聯賽對住艾拉維斯、基達菲、利雲特及ＣＦ格蘭納達等中下游球隊，都係和波失分。
近4次交鋒3打和
愛斯賓奴踏入2022年後氣勢回落，近5仗只得2和3負，其中上仗聯賽主場對貝迪斯慘敗1比4之餘，仲有首席射手魯爾杜馬斯「兩黃一紅」被逐，今場要坐波監，攻力受削下必先鞏固防守，由於佢哋之前已經喺西盃出局，有整整一周準備今仗，體力相對較着數。
睇番畢爾包今季踢咗22場聯賽，多達10場同對手打和，係暫時和波最多嘅西甲球隊。加上兩軍近4次交鋒亦和咗3次，包括首循環各一言和，今仗睇嚟都係和氣收場。
畢爾包向來遇強愈強，今屆西盃16強先擊退衞冕嘅巴塞，報番上屆決賽一箭之仇，喺上周中8強對住另一班霸皇馬，完場前憑後備上陣嘅阿歷斯比倫古亞一箭定江山，將呢支聯賽1哥淘汰，但相對地耗力不小。畢爾包鬥強隊特醒，同佢哋防守硬淨、反擊銳利有關，不過當遇上專注防守嘅同級對手，就未能將最擅長嘅穩守突擊盡情發揮，好似早前聯賽對住艾拉維斯、基達菲、利雲特及ＣＦ格蘭納達等中下游球隊，都係和波失分。
近4次交鋒3打和
愛斯賓奴踏入2022年後氣勢回落，近5仗只得2和3負，其中上仗聯賽主場對貝迪斯慘敗1比4之餘，仲有首席射手魯爾杜馬斯「兩黃一紅」被逐，今場要坐波監，攻力受削下必先鞏固防守，由於佢哋之前已經喺西盃出局，有整整一周準備今仗，體力相對較着數。
睇番畢爾包今季踢咗22場聯賽，多達10場同對手打和，係暫時和波最多嘅西甲球隊。加上兩軍近4次交鋒亦和咗3次，包括首循環各一言和，今仗睇嚟都係和氣收場。
球队历史视频及赛前分析：
