兩支喺英足盃殺入第5圈嘅英超兵，熱刺同修咸頓今晚快車相遇，兩軍兵源將會成為勝負分野！熱刺經過歇冬期後，孫興民重回陣中，球隊威力倍增，相反修咸頓上周出戰英足盃折將，前鋒布查及後衞尼安高伊雲基斯達均告傷出，嚴重影響球隊實力，加上熱刺近6次主場悉數擊敗「聖人」，主勝不容錯過。
（Now 623周四凌晨3時45分直播）
熱刺喺英足盃第4圈，主場以3比1擊敗白禮頓，哈利卡尼「起孖」，職業生涯入球達到300個，當然可喜可賀。「哈神」入第2球由孫興民助攻，應該更加令領隊干地高興，畢竟孫興民養傷接近1個月，佢嘅復出對熱刺嚟講極其重要。除此之外，於冬窗收購嘅兩名新兵，烏拉圭中場賓坦古亞及瑞典翼鋒古路施夫斯基上仗亦後備上陣，二人演出對辦，絕對令球隊中前場調動更加靈活。
修咸頓三線主力受傷
修咸頓於英足盃加時淘汰高雲地利，絕對可以用「慘勝」嚟形容，前鋒布查及後衞尼安高伊雲基斯達均告傷出，加上原本嘅「十字兵」中場尼敦迪拿及正選門將阿歷士麥卡菲，「聖人」今場前中後三線都有主力缺陣，嚴重打擊球隊攻守。最大問題係，修咸頓近年作客熱刺成績唔掂，近6次全敗，預料今場都好難打破魔咒，主勝趁熱食。
（Now 623周四凌晨3時45分直播）
熱刺喺英足盃第4圈，主場以3比1擊敗白禮頓，哈利卡尼「起孖」，職業生涯入球達到300個，當然可喜可賀。「哈神」入第2球由孫興民助攻，應該更加令領隊干地高興，畢竟孫興民養傷接近1個月，佢嘅復出對熱刺嚟講極其重要。除此之外，於冬窗收購嘅兩名新兵，烏拉圭中場賓坦古亞及瑞典翼鋒古路施夫斯基上仗亦後備上陣，二人演出對辦，絕對令球隊中前場調動更加靈活。
修咸頓三線主力受傷
修咸頓於英足盃加時淘汰高雲地利，絕對可以用「慘勝」嚟形容，前鋒布查及後衞尼安高伊雲基斯達均告傷出，加上原本嘅「十字兵」中場尼敦迪拿及正選門將阿歷士麥卡菲，「聖人」今場前中後三線都有主力缺陣，嚴重打擊球隊攻守。最大問題係，修咸頓近年作客熱刺成績唔掂，近6次全敗，預料今場都好難打破魔咒，主勝趁熱食。
球队历史视频及赛前分析：
