今晚韓職快車上演焦點大戰，由全北汽車主場惡鬥水原藍翼。力爭衞冕嘅全北汽車今季霸氣盡失，以往無堅不摧嘅最強鋒力蕩然無存，贏波多數靠穩健防守「煲魚生粥」，遇上防守同樣硬淨嘅水原藍翼，想入波有難度，一於博2.5球入球細。（周三晚6時開賽）
近年橫掃韓職嘅全北汽車，今季表現大跌Watt，最大原因係入球能力不足，球隊過分依賴古斯達禾軒歷基同伊祖辛高嘅高空轟炸，反而失去以往千變萬化嘅進攻板斧，搞到球隊入波數字大跌。
全北汽車近況反覆，國際賽休戰前曾以0比2不敵濟州聯，上輪作客榜首蔚山現代，被睇淡下雖然爆冷贏3比1，但總計全北近9仗，8次總入球開2球或以下，尤其喺主場出擊對住主守球隊，往往老鼠拉龜搵唔到甜頭，近7仗聯賽主場全開2球或以下。
水原藍翼靠防守搵食
作客嘅水原藍翼近期走勢平穩，近6場錄得3勝2和1負成績，出色防守係佢哋反彈主因，呢6場比賽有3仗保持不失球。水原藍翼今仗有中堅閔尚基坐完波監復出，防線可以最強陣容應戰，作客預會主守為先，唔會畀太多空間全北，細盤可謂信心之選。
近年橫掃韓職嘅全北汽車，今季表現大跌Watt，最大原因係入球能力不足，球隊過分依賴古斯達禾軒歷基同伊祖辛高嘅高空轟炸，反而失去以往千變萬化嘅進攻板斧，搞到球隊入波數字大跌。
全北汽車近況反覆，國際賽休戰前曾以0比2不敵濟州聯，上輪作客榜首蔚山現代，被睇淡下雖然爆冷贏3比1，但總計全北近9仗，8次總入球開2球或以下，尤其喺主場出擊對住主守球隊，往往老鼠拉龜搵唔到甜頭，近7仗聯賽主場全開2球或以下。
水原藍翼靠防守搵食
作客嘅水原藍翼近期走勢平穩，近6場錄得3勝2和1負成績，出色防守係佢哋反彈主因，呢6場比賽有3仗保持不失球。水原藍翼今仗有中堅閔尚基坐完波監復出，防線可以最強陣容應戰，作客預會主守為先，唔會畀太多空間全北，細盤可謂信心之選。
球队历史视频及赛前分析：
