英超「落難豪門」交鋒，曼聯主場迎戰熱刺，雙方今季成績同樣令人失望，但相比之下，「紅魔鬼」情況較佳，加上有近兩星期國際賽空檔，獲得喘息機會，有望重上正軌。反觀熱刺人腳變化大，仍處於磨合階段，加上防線受傷兵困擾，出現危機。參考曼聯跨季近5次英超主場出擊，取得4勝1負，主勝值博。（Now 621及611周日凌晨零時30分直播）文:Mic少
曼聯今季英超5戰只有1勝2和2負，並且於英聯盃出局，但其實「紅魔鬼」比賽過程表現唔係咁差，只係稍欠運氣，包括對愛華頓一役，戰至補時6分鐘被對手美蘭尼爾斯射入世界波扳平，作客富咸因為利辛度馬天尼斯離奇擺烏龍導致失分。至於0比1不敵曼城，所失1球屬於球證錯判，實在輸得冤枉。曼聯遭遇連環不幸事件，難免影響士氣，幸好有國際賽空檔，球員有充裕時間平復心情及調整狀態，表現應該可以反彈。
熱刺傷中堅防線告急
另邊廂，熱刺今夏大事增兵，簽入辛度東拿利、馬迪奧斯費南迪斯、馬莫殊等多位球星，但成績不進反退，5場英超只有2和3負排榜尾。歸根究柢，由於陣容變動太大，球員之間仍然未建立默契；主帥迪薩比似乎亦冇乜辦法，惟有逐步試陣，希望搵出最佳戰術，恐怕短期內演出難以改善。
最大鑊係熱刺防線爆傷兵潮，兩位中堅雲赫基、雲迪雲為荷蘭踢歐國聯受傷，估計今仗未能上陣，可能用兩位新兵馬高斯辛尼斯、艾達拉比奧約擔任正選，令原本已欠缺默契嘅後防雪上加霜。熱刺上季作客曼聯，結果輸0比2，今仗好可能再次全失3分。
曼聯今季英超5戰只有1勝2和2負，並且於英聯盃出局，但其實「紅魔鬼」比賽過程表現唔係咁差，只係稍欠運氣，包括對愛華頓一役，戰至補時6分鐘被對手美蘭尼爾斯射入世界波扳平，作客富咸因為利辛度馬天尼斯離奇擺烏龍導致失分。至於0比1不敵曼城，所失1球屬於球證錯判，實在輸得冤枉。曼聯遭遇連環不幸事件，難免影響士氣，幸好有國際賽空檔，球員有充裕時間平復心情及調整狀態，表現應該可以反彈。
熱刺傷中堅防線告急
另邊廂，熱刺今夏大事增兵，簽入辛度東拿利、馬迪奧斯費南迪斯、馬莫殊等多位球星，但成績不進反退，5場英超只有2和3負排榜尾。歸根究柢，由於陣容變動太大，球員之間仍然未建立默契；主帥迪薩比似乎亦冇乜辦法，惟有逐步試陣，希望搵出最佳戰術，恐怕短期內演出難以改善。
最大鑊係熱刺防線爆傷兵潮，兩位中堅雲赫基、雲迪雲為荷蘭踢歐國聯受傷，估計今仗未能上陣，可能用兩位新兵馬高斯辛尼斯、艾達拉比奧約擔任正選，令原本已欠缺默契嘅後防雪上加霜。熱刺上季作客曼聯，結果輸0比2，今仗好可能再次全失3分。
球队历史视频及赛前分析：
